Swyddi gwag

Rydym yn chwilio am bobl dalentog a brwdfrydig i ymuno gyda swyddfa Comisiynydd Heddlu a Throsedd Dyfed-Powys

Yma gallwch ddarganfod popeth sydd angen i chi ei wybod am ein cyfleoedd gyrfa presennol yn y swyddfa.

Cynlluniau Gwirfoddoli

Rydym yn awyddus i sicrhau bod ein gweithlu'n cynrychioli ein cymunedau ac mae gennym ddiddordeb arbennig mewn derbyn ceisiadau gan ein cymunedau amrywiol. Rhowch wybod i ni os hoffech unrhyw gymorth i lenwi ffurflen gais, neu os oes angen ffurflen gais arnoch mewn fformat arall.

Ymwelwyr Annibynol a'r Ddalfa - Mae’r gwirfoddolwyr hyn yn ymweld â dalfeydd er mwyn gwirio ar les carcharorion a sicrhau y cynhelir eu hawliau. Maen nhw’n ymweld â gorsaf heddlu leol mewn parau, yn ddirybudd, ar unrhyw adeg o'r dydd neu'r nos; ac maen nhw'n darparu gwiriad annibynnol ar les carcharorion, a'u hamodau. I wneud cais llenwch naill ai ffurflen ar-lein neu lawrlwythwch y ffurflen gais.

Panel Sicrhau Ansawdd - Sefydlwyd y Panel Sicrhau Ansawdd er mwyn craffu ar ansawdd cyswllt yr Heddlu â’r cyhoedd, mewn modd tryloyw ac annibynnol, ar ran y cymunedau o fewn ardal Dyfed-Powys. I wneud cais llenwch naill ai ffurflen ar-lein neu lawrlwythwch y ffurflen gais.

Llysgenhad Ieuenctid - Ein nod gyda'r Cynllun Llysgenhadon Ieuenctid yw sicrhau bod cynifer o bobl ifanc â phosibl yn cael y cyfle i lunio dyfodol plismona ac atal troseddu ar draws Dyfed-Powys. Os ydych chi rhwng 14 a 25 oed a bod gennych ddiddordeb mewn darganfod mwy, cliciwch yma.